1 ਲੱਖ ਰੁਪਏ ਤਕ ਦੇ ਮਾਲ ’ਤੇ ਨਹੀਂ ਲਾਗੂ ਹੋਵੇਗਾ ਈ-ਵੇ ਬਿੱਲ :ਪੰਜਾਬ ਸਰਕਾਰ |

Business

ਪੰਜਾਬ ਵਿਚ ਹੁਣ ਇਕ ਲੱਖ ਰੁਪਏ ਤਕ ਦੇ ਮਾਲ ਦੀ ਆਵਾਜਾਈ ’ਤੇ ਈ-ਵੇ  ਬਿੱਲ ਦਾ ਨਿਯਮ ਲਾਗੂ ਨਹੀਂ ਹੋਵੇਗਾ। ਪੰਜਾਬ ਸਰਕਾਰ ਨੇ ਵਪਾਰੀਆਂ ਦੀ ਇਸ ਮੰਗ ਨੂੰ  ਮੰਨਦੇ ਹੋਏ ਨਵੇਂ ਨਿਯਮਾਂ ਦਾ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ  ਪੰਜਾਬ ਵਿਚ ਸੂਬੇ ਅੰਦਰ 50 ਹਜ਼ਾਰ ਰੁਪਏ ਤਕ ਦੇ ਮਾਲ ਦੀ ਆਵਾਜਾਈ ’ਤੇ ਈ-ਵੇ ਬਿੱਲ ਦਾ  ਨਿਯਮ ਲਾਗੂ ਨਹੀਂ ਹੁੰਦਾ ਸੀ। ਵਪਾਰੀ ਲੰਬੇ ਸਮੇਂ ਤੋਂ ਇਸ ਦੀ ਹੱਦ ਵਧਾ ਕੇ ਇਕ ਲੱਖ  ਰੁਪਏ ਕਰਨ ਦੀ ਮੰਗ ਕਰ ਰਹੇ ਸਨ। ਪੰਜਾਬ ਸਰਕਾਰ ਦੇ ਟੈਕਸ ਅਤੇ ਆਬਕਾਰੀ ਵਿਭਾਗ ਵਲੋਂ  ਜਾਰੀ ਕੀਤੇ ਗਏ ਨੋਟੀਫਿਕੇਸ਼ਨ ਵਿਚ ਸਾਫ ਕੀਤਾ ਗਿਆ ਹੈ ਕਿ ਅਗਲੇ ਇਕ ਸਾਲ ਤਕ ਪੰਜਾਬ ਵਿਚ  ਇਕ ਲੱਖ ਰੁਪਏ ਤਕ ਦੇ ਮਾਲ ਦੀ ਆਵਾਜਾਈ ’ਤੇ ਈ-ਵੇ ਬਿੱਲ ਤੋਂ ਛੋਟ ਦਿੱਤੀ ਗਈ ਹੈ। ਇਕ  ਸਾਲ ਬਾਅਦ ਇਸ ’ਤੇ ਦੁਬਾਰਾ ਵਿਚਾਰ ਕੀਤਾ ਜਾ ਸਕਦਾ ਹੈ। ਨੋਟੀਫਿਕੇਸ਼ਨ ਮੁਤਾਬਕ ਇਹ ਨਿਯਮ  ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਗਿਆ ਹੈ।

ਖੇਡ ਉਦਯੋਗ ਸੰਘ ਸੰਘਰਸ਼ ਕਮੇਟੀ ਨੇ ਕੀਤਾ  ਸਵਾਗਤ : ਇਸ ਮੰਗ ਲਈ ਸੰਘਰਸ਼ ਕਰ ਰਹੀ ਜਲੰਧਰ ਦੀ ਖੇਡ ਉਦਯੋਗ ਸੰਘ ਸੰਘਰਸ਼ ਕਮੇਟੀ ਦੇ  ਕਨਵੀਨਰ ਰਵਿੰਦਰ ਧੀਰ ਨੇ ਸਰਕਾਰ ਦੇ ਇਸ ਫੈਸਲੇ ਦਾ ਸਵਾਗਤ ਕੀਤਾ ਹੈ। ਧੀਰ ਨੇ ਇਹ ਵੀ  ਕਿਹਾ ਕਿ ਇਹ ਨਿਯਮ ਇਕ ਸਾਲ ਲਈ ਨਹੀਂ ਬਲਕਿ ਸਦਾ ਲਈ ਹੋਣਾ ਚਾਹੀਦਾ ਹੈ। ਧੀਰ ਤੇ ਉਨ੍ਹਾਂ  ਦੇ ਸਾਥੀ ਵਪਾਰੀਆਂ ਨੇ ਇਸ ਮਾਮਲੇ ਬਾਰੇ ਕਈ ਵਾਰ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਨਾਲ  ਮੁਲਾਕਾਤ ਕੀਤੀ ਸੀ ਅਤੇ ਉਨ੍ਹਾਂ ਨੂੰ ਈ-ਵੇ ਬਿੱਲ ਕਾਰਨ ਹੋ ਰਹੀਆਂ ਪ੍ਰੇਸ਼ਾਨੀਆਂ ਸਬੰਧੀ  ਜਾਣੂ ਕਰਵਾਇਆ ਸੀ। ਮਨਪ੍ਰੀਤ ਨੇ ਵਪਾਰੀਆਂ ਨੂੰ ਜਲਦੀ ਹੀ ਇਸ ਸਮੱਸਿਆ ਦੇ ਹੱਲ ਦਾ ਭਰੋਸਾ  ਦਿੱਤਾ ਸੀ ਅਤੇ ਅੱਜ ਵਪਾਰੀਆਂ ਦੀ ਆਵਾਜ਼ ਸੁਣ ਲਈ ਗਈ ਹੈ, ਜਿਸ ਦੇ ਲਈ ਵਪਾਰੀ ਸਰਕਾਰ ਦੇ  ਧੰਨਵਾਦੀ ਹਨ।

Leave a Reply

Your email address will not be published. Required fields are marked *